|
– „Сизлардан фазл ва кенг-катта мол-давлат эгалари қариндошларга инфоқ-эҳсон қилмасликка қасам ичмасин“. [24:22]
Кейин бу сўз шаръий истилоҳга айланиб, аёлни жимо қилмасликка қасам ичиш маъносини англатадиган бўлди.
(مِن نِّسَآئِهِمْ ) яъни, хотинларидан. Бундан ийло фақат хотинларгагина хослиги, чўриларга тегишли эмаслиги англашилади.
(تَرَبُّصُ أَرْبَعَةِ أَشْهُرٍ тўрт ой муҳлат бор). Яъни, кутиб, пойлаб туриш. Яъни, унинг ихтиёрида фақат тўрт ой бор. Ундан кейин эса икки ишдан бирини қилиши шарт.
(فَإِنْ فَآؤُ Агар (шу муддат ичида хотинларига) қайтсалар (жоиздир)). Яъни, олдинги ҳолга қайтиш. Бу жимодан киноя. Яъни, олдингидек яна жимо қилиш.
(وَإِنْ عَزَمُواْ الطَّلاَقَ Ва агар талоқ қилишни қасд қилган бўлсалар). Бундан муддат ўтиши билан ўз-ўзидан талоқ тушмаслиги, талоқ тушиши учун ё эрнинг ўзи талоқ қилиши ёки ҳоким уни мажбурлаб талоқ қилдиртириши шартлиги англашилади.
Шу билан оятнинг маъноси қуйидагича бўлади:
Аёллари билан тўрт ойдан кўп муддатга жимо қилмасликка қасам ичганлар тўрт ой ўтганидан кейин тўхтаб, икки ишдан бирини бажаришлари лозим. Ё қасамларига каффорат берсинлар-да, олдинги ҳолларига қайтиб, яна жимо қиладиган бўлсинлар ёки талоқ қилсинлар. Агар бош тортадиган бўлсалар, уларни ҳоким мажбурлаб талоқ қилдиртиради.
Аллоҳ Таоло бу икки оятни қуйидагича якунлаяпти:
فَإِنْ فَآؤُوا فَإِنَّ اللّهَ غَفُورٌ رَّحِيمٌ
(Агар (шу муддат ичида хотинларига) қайтсалар (жоиздир). Зеро, Аллоҳ шубҳасиз мағфиратли, раҳмлидир).
Улар қасам ичиб, аёлга зарар келтирган эдилар. Шунда ҳам Аллоҳ Кечиримли, Раҳмли Зотдир.
وَإِنْ عَزَمُواْ الطَّلاَقَ فَإِنَّ اللّهَ سَمِيعٌ عَلِيمٌ
(Ва агар талоқ қилишни қасд қилган бўлсалар, бас, албатта Аллоҳ эшитгувчи, билгувчидир). Яъни, уларнинг талоққа айланган ийлоларини Эшитгувчидир. Бу ийлодан нимани мақсад қилганларини билгувчидир. Бас, уларнинг қилмишларига яраша жазоларини беради.
@ @ @
31-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232